Ինչի՞ց է առաջանում սննդային կախվածություն. 1in.am

Սննդային կախվածության առաջացման հիմնական պատճառը ածխաջրերն են: Այսպիսի եզրահանգման են եկել Մասաչուսեթսի նահանգի Բոսթոնի մանկական հիվանդանոցի գիտնականները, գրում է ru.golos.ua-ը:

Գլիկեմիկ բարձր ինդեքսով սնունդն ազդում է ուղեղի հատվածի վրա, որը պատասխանատու է սովորության համար: Դա ոչ ուղղակիորեն հաստատում է սննդային կախվածության մասին տեսությունը:

Ինչպես պարզել են գիտնականները՝ մեծ քանակությամբ ռաֆինացված ածխաջրեր պարունակող սննդի ընդունումն արյան մեջ կտրուկ բարձրացնում է գլյուկոզան, այնուհետև այն այդպես կտրուկ էլ նվազում է, որն էլ քաղցի զգացողություն է առաջացնում:

Այս գործընթացն օրգանիզմում տեղի է ունենում գլիկեմիկ բարձր ինդեքսով սնունդ (սպիտակ հաց, շաքար, մեղր, կարտոֆիլ) ընդունելուց 4 ժամ անց:

Այս մթերքները հատկապես ազդում են ուղեղի ակտիվության վրա՝ առաջացնելով կախվածություն:

Այսպիսով, գիտնականները հետևություն են արել, որ գլիկեմիկ բարձր ինդեքս ունեցող մթերքներից հրաժարվելը կօգնի պայքարել ավելորդ քաշի դեմ:

Հարցեր, պատասխաններ, մեկնաբանություններ